Røymte asylbygda

vandrere.png
Lars Simon Hellås og Børge Foss røymte tysdag frå asylbygda Kvås. Duoen, som utgjer Kvås Vandregjeng er i gong med ekspedisjonen «Tovekeren». Dei drøymer om å kome på TV – som Lars Monsen.

Lurar du på kva dei driv på med på «Tovekeren», kan du fylgje dei på http://vandregjeng.com/

Medievant sauebonde

idland.png
Geir Iddeland tykkjer det er stas å vere på skjermen, og ba fint om å få vere med og seie si asylmeining til NRK sin reportar onsdag. Og den medievante sauebonden er etter det kvas.no kjenner til nøgd med måten han vart framstilt på, sjølv om han vart kalla Geir Idland.

Vil ha dei i telt

aaa.jpg
Hero Norge AS, som har tala om å etablere asylmottak i Kvås, ser no ut til å ha funne ei anna løysing for å få plassert sine 150 asylsøkjarar.

Administrerande direktør Ahmed Bozgil seier nemleg til NRK Sørlandet at om dei 150 asylsøkjarane ikkje får bu i Kvås, må ein plassere dei i telt.

Og kva er då problemet? Telt er jo eit mykje betre alternativ enn den falleferdige bygningsmassen i Kvås.

Mottak på Kvåsheimen?

20080519_608645_7.jpg

Fungerande Lyngdal-ordførar, og på 17. mai sjølvutnemnd Kvås-ven Sigmund Abusland (Frp) tykkjer at når det fyrst skal etablerast asylmottak i Kvås, kan like godt kommunen tilby den fråflytta Kvåsheimen som lokal for mottak.

Abusland trur at det fort kan vere plass til ytterlegare 50 asylsøkjarar der. Han meiner dette kan vere god utnytting av tomme hus i Kvås.

Naboane i Pinnebyen seier at det er det same for dei. Dei har gitt opp.

Farmen-asyl

farmen.jpg

Farmen-kjendis Ole Magnus Skretting, som kjem frå ein liten fiskarlandsby vest for Lyngdal, ynskjer seg jobb på det framtidige asylmottaket i Kvås. Difor har han no starta Facebook-gruppa «Ja til asylmottak i Kvås». Farmaren opplyser at han gjerne kunne tenkje seg å være mottaksleiar.

Asylprotestanten Arve Gysland seier i ein kommentar til kvas.no at Farmen-Ole Magnus ikkje er velkomen i Kvås.

Sang for NLM-samankomst

nlmsong.jpg

Kjelder i Norsk Luthersk Misjonssamband (NLM) kan opplyse at songen om NLM, kvåsingar og asylmottak, som vart trykka i Farsunds Avis laurdag, skal syngast på NLM sin sumarsamankomst neste laurdag. Med hensyn til diktaren, har me sladda namnet han sitt. Men me kan avsløre at initialane tilfeldigvis er NLM.