Roy Dillerud seier at han såg Fylkesmannens fiskeforvaltar Edgar Vegge (biletet) fiske i Lygna sist måndag.

Alle veit jo at det ikkje er lov å fiske på måndager. Vegge tek sjølvkritikk. Han seier at han ikkje fekk fisk, og unnskulder seg med at han trudde det var onsdag.

Me vil opplyse om at biletet er manipulert. Kvås Film vil jo ikkje at nokre skal tru at me tøyser med verkelegheita.

Kvås Film treng nokre friviljuge til morosam filminnspeling, enten 27.-28. august eller 3.-4. september (véravhengig). Kan du vere med?

Send oss ein e-post til post@kvas.no

John Simon Nøkland anbefaler bøkene til Camilla Läckberg som sumarlektyre. Litteraturkritikaren frå Kvås tykkjer spesielt boka Isprinsessen er framifrå.

Sentralbordet i Kvås Film blir ringt ned av folk som ynskjer å kjøpe Kvås Film sin nye, eksklusive kopp. Me har beslutta å leggje koppen ut for sal på Joker Kvås og på Traktor AS. Der kan du kjøpe han for 149 kroner. Inntekta skal gå til drift av Kvås Film, og til vårt nye store filmprosjekt. Vent og sjå!

Det gjekk just opp for Jorunn Birkeland at det er ei dokke som sit på traktoren utanfor Joker på Vemestad. Ho trudde det var Thor Thomassen, og var så imponert over kor lenge han klarte å sitje der. Då mannen Rune sa at det var ei dokke, blei ho så øvigjedd.

Tidlegare Kvås-lærar Alfred Vaagsvold har utforma ein kunstinstallasjon som han skal gi til Kvåstunet under opninga på sundag. Installasjonen har han kalla «Luftslottet».

Kvås Film var sjølvsagt med då 15 syklister frå Team 43 frå Kvås sykla 21 mil frå Kristiansand til Hovden. Her har du eit kort samandrag av turen.

Kolbjørn Stuestøl tykte 17. mai-komitéleiar Tor Harald Staddeland hoista for mykje. Staddeland meiner Stuestøl ikkje har grunn til å syte, og seier at han gjerne kan tenkje seg å vere komitéleiar også neste år.

Ole Kristian Helberg Hansen har innrømma at han skaut i sund eit vindauge på Austheim med luftgeværet under skytekonkurransen på 17. mai.

Kvås Film har fått innvilga studiepermisjon, og vil difor ikkje ha høve til å bidra til årets folkefest 17. mai på Kvåstunet. Kan hende me kjem attende neste år, om komiteen ønskjer det.

Dagny Bryggeså og Marianne Vegge vil frå no av sitje nattevakt på Joker Kvås – slik at det ikkje blir fleire innbrot.

Dei to skal sitje vakt ved kvar si inngong, og er utstyrt med kvar sin planke som dei skal stoppe tjuvane med om dei prøver seg.

Torleiv Rom blir truleg nekta start når Qvaas traktorlag neste gong skal arrangere pløypemeisterskap.

Leiinga i traktorlaget meiner han juksa under meisterskapet i år, då han skal ha brukt ein spesiell olje på plogen. Torleiv Rom har ikkje ynskja å seie noko om saka.

Det tok litt av på leikeplassen på feriesenteret i Danmark under menighetsturen sist helg.

Men soknerådet vil ikkje gjere kjent kven av dei vaksne som fekk buksene revna under leiken på hoppeputene. Dei dysser historia ned.

Nyleg vart det kjend at Kvåstunet skal leggje ut teppefliser i den gode, gamle matsalen. Dette er det ikkje alle som liker.

Jorunn Brådland har nyleg starta ein underskriftskampanje for å bevare dei gamle beleggflisene i spisesalen. Så langt har ho fått heile Vestheia med seg. Denne veka kjem ho til å gå rundt på husbesøk i Pinnebyen og Vemestadlunden for å få folk til å skrive under.

Kvås Film sin PåskeKvåsKviss er no avslutta, og me gratulerer Geir Risnes med sigeren. Han svara rektig på samtlige 15 spørsmål! Det er ikkje anna enn imponerande!

Risnes er no heldig vinnar av eit flott Kvås Film-krus. Jorunn Frimannslund Pettersen og Janne Reiersen Risnes deler andreplassen med 12 rektige svar. Dei har vist så god innsats at dei og vil få ein premie, i form av tre Flax-lodd.

Øvrig resultatliste: 4) Thomas Johsen – fem rektige, 5) Fredrik Bakken, Anne Lise Langeland og Nina H. Solheim – tre rektige. Deltatt (utan å svare rektig): Arve Gysland, Kristen Vegge, Arnfinn Opsahl og Knut Sagstad.

Kvås Film har beslutta å tildele Kristen Vegge tre Flax-lodd i premie for gode grunngjevingar for sine svar, sjølv om svara var riv ruskande feil.

Bli med på Kvås Film sin PåskeKvåsKviss2010! Dette er ingen aprilspøk!

Bli tilhengjar av Kvås Film på Facebook. Der legg me ut tre spørsmål kvar dag i påska. Du svarar på Facebook, så får det heller våge seg om andre ser kva du svarer. Svarfrist kvar dag er klokka 23. Dei som klarer å svare rektig på flest spørsmål innan andre påskedag vinn ein flott premie.

Som sagt – dette er ingen aprilspøk!

Olav Vegge meiner Kåre Udland må få klyppa seg og barbert seg. Kåre Udland sjølv meiner det må vere såpass.

Per Grimsby og Rolv Gunnar Gitlestad, her fotografert i festleg lag på kjøkkenet på bedehuset, står no fram og seier at det var dei som pakka 60-skilta i Kvås-dalen inn med svarte søppelsekker. Dei seier at entreprenørselskapet Risa lyg når dei påstår at det var dei som gjorde det sjølv.

Rykta vil ha det til at to av dei som sneik seg utfor den nye Holmenkollen før Anette Sagen, var frå Kvås.

Me har ikkje klart å finne ut kven dei to er, men mykje tyder på at det er Frank Otto Røiseland og Sigve Støle. Kvås Film har grunn til å tru at det er dei som som me har sett ring rundt på biletet. Idrettslagets leiar Jan Rune Birkeland ynskjer ikkje å uttale seg i saka.

17. maikomiteen i Kvås er bekymra for Kvåstunet sine  planar om å leggje teppe i matsalen på Sørheim. Dei er redd for kva som vil skje om nokre velter bollen med lapskaus på teppet.

Dei nye eigarane seier at dei vil tenkje seg om ein gong til angåande teppeleggjinga, når dei høyrer kva 17. mai-komiteen meiner.

Stemninga er stor i Kvås for tida. Men de skal vite det, kjære bygdefolk: Me har fått vite at Kvåstunet samarbeider tett med Undelandstunet.

Tom Erik Hestad vart den fyrste til å bryte 60-sona mellom Foss og Ytre Vemestad. Han kom opp i 76 kilometer i timen ved Rudjord, og er nøgd med resultatet. Det seies at han på vegen køyrde forbi Kåre Udlands brøytebil.

Mullah Krekar står fram, og seier at han, saman med familie og politivakter, skal bu i Sørheim, eit av folkehøgskulebygga i Kvås. Han vitja staden i forrige veke, og har sendt oss dette biletet frå sitt private album. Mullahen meiner det er tryggare å bu i Kvås, enn i hovudstaden.

Det skal likevel ikkje vere Torgeir Kvås og Torgeir Gundersen som har kjøpt bygningsmassen, slik Kvås Film meldte tidlegare i dag. På Kvås Dagligvare preker dei om at det kan vere  Torrey Nørsett, og at han skal leige ut til Krekar. Men desse opplysningane er ikkje stadfesta.

Ut frå saka i DagenMagazinet ser det ut til at dei har fått heile Kvås med på kjøpet.

Tidlegare ordførar og skihoppar, Anders Nøkland, meiner det er blitt så mange flinke skihopparar i Kvås no – at han meiner det bør byggjast ein 120-metersbakke i bygda. Difor har han no reist til OL-hoppbakkane i Canada på synfaring. Nøkland meiner Kvås bør få eit slikt anlegg som dei har der.

Brørne på Håvetoft, Ola og Arne, har fått med seg nyhenda frå dalen om at det var hesteslepp på Vemestad sist helg. Dei tykkjer det er for tidleg med hesteslepp midt på vintaren, og vil ikkje bli kobla til sleppet på Vemestad.

Det tok litt av då ei gruppe menneske arrangerte vaksendåp på bedehuset på Vemestad nyleg. Resultatet vart overfløyming på golvet. Vatnet rann over då han som skulle døypast var noko større enn det arrangørane hadde sett føre seg.

Tjuvane som vitja nærbutikken i Kvås for nokre veker sidan, ler av meldinga om at det no er komen alarm, eller allarm – med kraftig sirene, såkalla syrene, ved butikken.

Via ein sms til Kvås Film ynskjer tjuvane å kome med fylgjande melding til butikkleiinga: Me er ikkje redd for den slags. Me bruker hørselsvern når me er ute og gjer innbrot.

Undelands vener har teke på seg skulda for terrorhandlingene inne på den gamle skuleplassen til Kvås vidaregåande skule.

Vegvesenet vil truleg ikkje setje opp 60-skilt frå Vemestad til Foss likevel. Dei meiner snømannen på Foss har ført til at folk køyrer så sakte at det ikkje er naudsynt.

Sverre Foss og Magne Vegge har sagt seg viljug til å setje opp snømenn laga av rundballer langs riksvegen. Jarl Røyseland er skeptisk.

Astrid Gullestad vil saman med Ånund Egeland truleg óg kjøpe inn rundballer og setje opp ein snømann på Birkeland.

Det er stengt ut november i alt-mogleg-butikken på Vemestad. Han er visstnok råka av finanskrisa og svikt i omsetjinga. Men me håper og trur på ei betring i desember. Det er jo då julehandelen skal gjerast.

Kvås Film er som alle andre moderne organisasjoner på Facebook. Her har me over 165 tilhengjarar. Me oppmoder deg no til å logge deg inn på det populære nettsamfunnet, og bli tilhengjar du og.

Der får du nemleg oppdateringer rett på skjermen. Og det viktigaste er kan hende at du får sjå filmsnotter frå Kvås Film sitt store arkiv.

Børge Foss klypte seg nyleg. Han angrer på at han benytta seg av Hellen Bryggeså som frisør.

Bryggeså meiner Foss har seg sjølv å takke. Ho seier han var uklar då han skulle forklare korleis han ville ha håret.

Me kunne lese i lokalavisen at Torbjørn Ougland fekk pierca øyret sitt på KVS Lyngdal. Ougland seier at piercinga gav meirsmak. No vurderer han piercing i navlen, og ein stad til. Han vil ikkje seie kvar.

Når det gjeld debatten om 60-sone, tykkjer Kaia Stokkeland at folk skal vere greie mot kvarandre. Ho tykkjer debatten likner valdsamt på ein som var nordpå for mange år sidan. Der endte det ganske ugreit.

Sverre Foss vil ha 60-sone forbi Stubakken, og har laga sine eigne skilt om vegvesenet skulle ombestemme seg og ikkje innføre fartsgrense på 60 kilometer i timen likevel.

Me veit jo at dersom Kvås hadde vore eigen kommune, hadde kommunevapenet vore to basarårer i sylv, på grøn bunn. Men kva hadde slagordet vore?

Kvås Film ønskjer å invitere folk til å kome med slagord for Kvås! Gjer det ved å leggje inn ein kommentar på denne meldinga.
Nokre har allereie byrja å kome med framlegg. Else Mary Stuestøl har til dømes dette slagordet: «Komper, Kålrabi, Kvås». Ingebjørg Kamstrup meiner slagordet for Kvås bør vere: «Vakre, vene Kvås», mens Torbjørn Ougland har dette framlegget: «Kvås, basarens heimland».

Tom Erik Hestad er særs nøgd med at det no blir 60-sone i Kvås-dalen. Men han meiner fartsgrensa bør vere 50 kilometer i timen på Rudjord.

Terje Hauan er noko skuffa over at NRK klyppa vekk mesteparten av det han sa under innslaget med Qvaas traktorlag. Han meiner òg at Jan Bråtlund sa mykje fjas som heller burde ha vore klyppa vekk.

For å sjå innslaget kan du klikke her: http://www1.nrk.no/nett-tv/distrikt/sorlandet/verdi/110585

Ingrid Olsen kunne ikkje finne att nøkkelen på den gamle stemmeurna (ikkje den på biletet) som høyrer til valkrinsen i Kvås. Difor måtte stemmegjevarane bruke ei ny stemmeurne. Kolbjørn Stuestøl var blant dei som ikkje likte det.

Arne Oddvin Egeland tester for tida ut ulike varer i haustkolleksjonen til Peugeot. Han tykte spesielt dei nye buksene satt godt.

Edgar Vegge, som smilte valdsamt då han passerte målstreken, avviser skuldningane om at han dytta til ein konkurrent under sykkelrittet 4 hills.

Ingrid Olsen er redd naboen ho sin, fekk svineinfluensa då han var innom Svinesund i sumarferien. No vil ho ikkje tale til han før han har sjekka seg. Av hensyn til naboen har me sladda andletet han sitt.

Dei der som driv Kvåsheimen fulgte heller ikkje denne gongen kvas.no si oppfordring om å flagge når det er flaggdag. Dei er imot Olsok.

Den pensjonerte tannlækjaren Olav Hamran skal forsyne svineinfluensabekymra kvåsingar med munnbind.

Hamran hadde nokre munnbind att frå då han var tannlækjar.

Kvås Film har dei siste vekene vore i forhandlingar med Norsk Tipping og Brønnøysundregistra for å bli godkjend som mottakar av Grasrotandel-pengar. Det er årsaka til lite oppdatering på kvas.no den siste tida. Men endeleg lukkast me.

Framgangsmåten for deg er enkel. Om du seier til tippekommisjonæren at du vil støtte Kvås Film kan du gje han eller ho Kvås Film sitt organisasjonsnummer 994307363. Då går indirekte fem prosent av beløpet du tippar for direkte til drift av Kvås Film og kvas.no.

Me kjem attende med meir informasjon om dette – truleg i flugeblad til deg – i postkassa – om du bur i Kvås. Og det gjer du jo sjølvsagt.

Dei der som driv Kvåsheimen lover å flagge neste gong det er offentleg flaggdag.

Brørne Arne og Olav Håvetoft har hatt ei valdsam pågang av besøk til Håvetoft etter at filmen om dei vart lansert på nasjonaldagen.

Brørne har merka på kroppen at det ikkje er berre berre å vere kjendis, og har sett tysdag og sundag som besøksfrie dager på garden. Då vil dei vere i fred.